Zbudite se dok je vreme

Cajger na cajgeru. Prvi studeni – pokazuje brojka u čošku mog kompjutera. Upravo smo zakoraknuli u još jedan dan kad se prisjećamo onih koji su se požurili i prešli na neki drugi, nadam se i bolji svet. Vračajuć se s posla zastanem u dućanu pa kupim četri komada lampaša. Da, dobro ste pročitali. Samo tolko. I mislim da je to dost. Zapalim dedama i baki po jedan, a jedan na glavnom križu i pri tom zahvalim ovom gore kaj su svi dragi mi još uvek na broju i kaj im ipak još morem u lice skresati kaj ih ide, a ne da ih obilazim gdi leže zametani kubikom zemlje pa se svadim s mramornom pločom.

Nit su vremena za neke velke troške, a nit je broj lampaši koje čovek popali na spomeniku pokazatelj da mu je zbilja stalo do tog pokojnika. Na onu zatucanu podravsku: jeee pak je red, mi se dižu lasi na glavi. Kakav red?!? Kaj neko hoda okolo s bilježnicom pa u nju bilježi kolko je gdi bilo čega, ko je kome kolko sveći vužgal i ko je imal bele krizanteme, žute georgine, a ko crvene ruže?

Po mom su pogrešili svi oni koji su ovih dana ko sumanuti trošili u ove svrhe. Vreme je da se brinemo o nama živima jer ko zna kad bu kome vreme scurelo i za koga bumo na godinu kupovali lampaš više. Prosim, ak bi mene tak nekaj slučajno zadesilo kaj se niko nebi u velke stroške hital. Nikakvi mužikaši, poezija nit isprazne čitabe pri ispraćaju ne dolaze u obzir jer znajte da se okrećem v sanduku i oću ziti na obračun s onim koji bi takvu bedastoću mi priredil. Nek se složi ekipica, pa me se seti za nekim šankom, a kolko košta jen lampaš taman bu da si pokriju trošak pivice. I nek to bu srednje zdena, s zelenom etiketom, (čaša ne treba, fala) baš kak bi i meni pasala. Ak ih ponesu sećanja na pokojnicu doma bu se išlo na ranje, dok pevci već kukuriču, a svetlo na biciklinu više ne treba. Baš tak bi i meni pasalo. I na svaki novi blagdan Sesveta pri spomenu na mene, prosim lepo, ponoviti isto pjevajuć: dok ti grobar preko riti zadnji grudu zemle hiti…

Pred koje jutro svojim sam se još uvek zdravim očima uvjerila kak neki čekaju u redu za, ne crni, nego stari kruh. Skrivaju se ti ljudi ispod kapuljača svojih izlizanih kaputa u nadi da ih niko od prolaznika nije i nebu prepoznal. Nisu ni oni baš sanjali da bu ih život tak nasanjkal i da im vlastite dve ruke nebudu dost za priuštiti si ono najosnovnije. Ali, život piše drame. Tužne i jadne. A tužno je i jadno da se s jedne strane bacaju novci i kite grobovi onima kojima je zbilja svejedno kak im ploče nad glavom zgledaju taj jedan dan u godini, dok drugi premeću po žepima ne bi li utišali svoje gladne želuce.

Pak je red, ponavljaju ko papige. E nije red!!! Reda nikad ni nebu ak se mi živi već jenput ne ogledamo kak se spada oko sebe. A nebi morali svečom iskati nekoga kome bi naša pomoć ulepšala dan, ako ne i tjedan, a ono najbolje, pokazali im da ipak postoje dobri ljudi i da ne moraju čekati da prejdu da onaj drugi, nadam se bolji svet, da bi im rit bila na toplom, a želuci siti.

I na koncu, svi bumo jenput svoj red za kapitulaciju dočekali. A onda, dok se najdemo na finalnom obračunu, dok bu neko negdi moral podvleči crtu i zbrojiti nam minuse i pluse, zlatne i srebrne zvezdice, više nebu šanse prepravke na toj našoj listi delati. Zato se stignete još na vreme zbuditi!!!