Školske putešestvije

U sredu nas je u sandučiću dočekala koverta. Plava. Od kakve inače boli glava. U ovom slučaju nutra najdem komad papira na kojem nam pišu z škole koju polazi prda da se vesele spoznaji da bu i bjacek na jesen postal njihov učenik te da budu sudjelovali u njegovom odgoju i obrazovanju i razvoju osobnosti. Obznanim mu to popodne veselu vijest.

– Došla je koverta. Zovu te f školu. Od jeseni si učenik ili pak mučenik. Čestitam na ovom malom koraku za čovječanstvo, a velikom za naše peteročlano krdo! –

– Ijeeeeee – bude njegova reakcija.

Dobro je. Mic po mic i na konju smo. Od jeseni bu prda treći,a bjacek prvi razred.

– Pa onda od jeseni, nema više napelavanja. Lepo nogu pred nogu i polako ste pred školom. Onda ti pričekaš dok on završi s nastavom i isto tak doma. Zajedno ste jači – velim ja.

– Kak da ne – vele oni u isti glas.

– E bome bu tak kak ja velim. Kak smo vaša teta i ja nekad…- pa krenem s objašnjavanjem kak je to zgledalo pred puna tri desetljeća dok smo teta im i ja pešačile na nastavu. Od prvog dana. Niko nas nije nikam vozil, navažal i prevažal. Lepo smo cipelcugom išle u i iz škole i nismo se bunile. Povratak iz škole bil je zapravo najzabavniji dio dana, odmor i gušt nakon kaj smo u školi odsedeli tolke vure, a navek smo se pitali – za kaj? Naravno, putanja kojom smo išle od točke A do zadane nam točke B, odnosno od škole do doma, uvek je nekak ispala zakrivljena, s višestrukim zavojima, pa nam je brzina opadala, a za tih dva kilometra trebalo nam je nekad više od vuru vremena. Morale smo se naravno naluknuti kak prave babe u svaku grabu. Često smo se znale i zavaditi s nekim ko bi nam se našel na putu. Nebi mi, da se razmemo, počele prve, jer doma su nas učili da se nije lepo svaditi, ali navek se našel neko ko bi nam se rugal jer je teta i onda svojom minijaturnom pojavom odskakala od ostalog sveta. Onda bi ja, koja sam uvek imala viška na uštrb njenog manja, i svojom pojavom odskakala u masi, u takvim napetim situacijama uskakala i trudila se obraniti obiteljsku čast.

Kak onda nije bilo baš dućana na svakom čošku, putem smo se za zimskih dana sladili ledenim sigama koje su redovno visele z kroha pomoćne zgrade elektre. I kaje zanimljivo, nikad se nismo od toga razbolele iako morti danas neke posljedice od toga vlečemo, jer, bilo je to doba Černobila. Ali, grlo nas bog i bormeš, od toga nije nigdar bolelo.

Ovi danas, sam se vozaju i lenjugare. Nekad dok me rasrdi, poručim prdi da bu zgledala kak germa.

– Onda mi se nemoj plakati da imaš šlaufe i debele noge ili obešenu rit – izjavim ja.

– No pa kaj, ni tebi ništ ne fali – zaključi ona.