Skoči pa reči hop

Znate ono dok dojdete vjutro na posel pa se nakon par minuta okrenete oko sebe i pitate se kak ste tu došli, kojim ste putem išli i jel su svi na svojim uzrastu propisanim „radnim“ mestima.

Mislila sam si da mi se nikad nebu desilo da bum zaboravila negde pokupiti vlastito dete iako sam negde duboko u sebi strahovala da bi se tak nekaj ipak moglo dogoditi za svakodnevne jurnjave. I tak. Zbilja. Bilo je to prošlog četvrtka. A lepo sam si još i vuru na mobitelu navinula da slučajno u 11:20 ne zaboravim prejti prek puta do školske zgrade i pokupim prdu. Naravno, dok sam ja pogledala na vuru, mala je kazaljka bila na 11, sambog, a velka 10 minut prek, odnosno 30. Ajaj. Kaj da me neko vrit z iglom pehnul zletela sam z stolca i gas pred školu. Putem su mi se u glavi nizale slike: prda sedi sama u suzama na štengama i čeka svoju mamu. Jedinu mamu koja je zaboravila dojti po svoje dete. Nebu mi to oprostila nikad. Samo je ona ostala čekati pred školom dok su svi drugi držeć se za rukice s mamama, tatama, bakama il dedama nasmijani otišli kući pjevajući.

Dojurim pred zgradu – nigde ni traga ni glasa mojem detetu. Uđem u školu gdi me dočeka učiteljica. Kad se mama nije ukazala na vreme prda je ostala na DOP-u, informira me. Nek ostane sad još tu da napiše zadaću pa onda dojde, padne dogovor. Zahvaljujući učiteljici, prda ovaj moj propust nije ni skužila nego je uredno ostala u školskoj klupi, a doma došla s već pol posla odrađenim. Na koncu ispadne super.

Nije svaka situacija baš katastrofalna kak izgleda. Često reagiramo na prvu, skočimo, a tek onda velimo hop. Kak vreme prejde tak se situacija iskristalizira pa nam sve to za koji dan čak bude i smešno. Bitno je znati dočekati se na loptu i ne baš iz svega stvarati čudesa. Pa kaj sad kaj sad kaj smo u subotu ujutro dulje odspali pa je bjacek skoro preskočil pajdašev si rođendan. U pet do 10 kad smo utvrdili da nam preostaje samo još par minuta za dostaviti ga na slavlje, a on je bil još u piđami, bitno je bilo ne paničariti nego se organizirati dok je još vreme. Jedna poruka prek vibera i frendica je za par minuta već bila pred vratima i pokupila ga. Još jedna situacija rešena.

Kak veli ona jedna, dobro dolazi onima koji veruju, još bolje dolazi onima koji su strpljivi, a najbolje onima koji ne odustaju. A ak se ne boriš za nekaj kaj ti je važno, onda ti to zapravo i nije tolko važno. Istina. Ak malo bolje razmislimo to je tak. Ak ne probaš ne znaš jel buš uspel. Ak ne uspiješ, bar moreš reći da si probal. Oni koji se usude nekad bolje prejdu neg da su sedeli, šuteli i pokrili se z vuhima. Od toga nema ama baš nikakve koristi.

I još jedna mudrolija za kraj ovog tjedna koja me neki dan dobro nasmijala, a glasi: nemreš usrećiti baš svakoga, nisi rakija. Ugodan vikend.