Nejdem ja nikam i kvit

I tak eto, vratia se Šime. Je.o Kanadu, je.o Floridu, vraćam se nazad u Hrvatsku, izustih jednog rujanskog jutra nakon čega deca u glas stanu urlikati: Idemo dooooma!!! Naš je izlet prvenstveno bil turističke namjere, da se razmemo, ali nemrem poreči da nismo razmišljali o opciji „kaj ako“. Kaj ako nas tam dočekaju s crvenim tepihom i mam uvale posla i debele plaće? Kaj ako bu tam doista tak sve lepo i privlačno? Kaj ako…?

Prvih dan i pol sve je zgledalo divno i krasno. Veliki auti, slatke kućice s podrumima kak u serijama, privlačna klopa, veverice i zajci beže po dvoru…ljubazni domaćini. No, ubrzo se, nakon kaj pretrpim bolest letenja tekućine vrate u ravnotežu, pa sve sagledam realno. Kućice nisu baš tak slatke. Podrumi su puni vlage i smrdljivih tepisona. Te drvene građevine za moj su topli cigleni dom prave mišje rupe. Auti su istina veliki, puno veći neg naši, koštaju manje kak i benzin, ali, kvragu, koja bi ženska tak nekaj bez ogrebotine uspela sparkirati?!? Hrana, hm, vredu je jen dan preživeti na junk foodu jer i meni cure sline na hamburger, čizburger, kolu i pomfri, ali probaj ti već nakon dva dana takvog blagovanja otiti na zahod.  Ovu živinčad kaj hoda po vulici lepo je videti, ali kvara delaju i seruckaju posvakud pa bi ih lepše bilo najti v loncu gde su se krčkali z knedličkami. Matovilec polek. Ko bog.

Jedino kaj se nije promenilo do kraja su domaćini koji su nas nasmijano i bez ikakvog negodovanja trpeli do kraja. Uvjerena sam ipak da kad smo digli sidro i zašli za prvi čošek, naš je gazda z guštom otrpl i iskapil flašu čileanskog Merlota koja, usput da znate, v dućanu košta najmanje 80 kuna. Nije mu za zameriti, jel, kak se ono veli, svakoga gosta tri je dana dosta.

I onda, vratiš se, a svi te bledo gledaju i jedno te isto pitaju: zakaj nismo ostali. Malo je prostora za objasniti. Ali, opet moram se vrnuti na ono Dudekovo koji more trpeti gladan biti pod svojom ruškom, neg da ima sva bogatstva ovog sveta. Na svoje sam oči vidla kak naši ljudi koji su još pred četri desetljeća digli sidro i otišli vu beli svet nigdar nisu zabili otkud su potekli i čeznu dan danas za rodnom grudom. Ali, kad su si tam već kakvog-takvog života složili, onda im nije bilo za nazaj iti. Moji su starci, a tak i brojnih pajdaša mi, za života ipak uspeli nekaj zazidati, uz kakvu hižicu i apartmana il gorice kupiti, a tam su svi na kraju života još navek podstanari s kreditom za aute, manjkom vremena i odbrojavanju dana do navek prekratkog vikenda.

Pak onda nek buk kak bu, ja z svojega ne idem i kvit, a tko veli da sam pogrešila i da je tam med i mleko, nek me piši vrit.