I kaj sad?

I kaj sad? Pitanje je koje mi se mota glavom nakon kaj mi spikerica s malog ekrana priopći da smo pred koju vuru ušli u ožujak i da je stopa poreza narasla za dodatnih dva posto. I kaj sad? Nikaj, vozi dalje za iste pare. Od kukanja i plakanja nema neke vajde, valja nam uvesti nove mjere štednje na svim frontama. Telefone, internete, maxteveje i još par pretplata smo već  otkazali. Sad krećemo od onih najjednostavnijih, a naizgled beznačajnih stvari.

Naš nam limenko mesečno puno pogutne pa smo nas dvoje, ja u ulozi predsjednice nadzornog, a mili ko predsjednik uprave naše familije, odlučili dio mjesečne crkavice investirati u novu biciklin sjedalicu za bjaceka, istu prišarafiti i noge upregnuti.  Pošto dolaze lepi dani nikaj nas ne preći više da dostavu do vrtića obavljamo na biciklima. Koju bu nam minuticu više trebalo, ali ipak bi se ta naša investicija trebala osetiti u mesečnom nam proračunu. Jer, ne  znam kak vi, ali nama se čini da smo v zadnje vreme skoro dva put dnevno na pumpi. Natankaš, napraviš đir po gradu, i već te naranđasta lampica bocka u mozak. I da ne spominjem samo kolke dobrobiti bu od pedaliranja i trošenja kalorija imal pogon koji bu gazil do vrtića i nazad. Do leta bumo kak violine pak se bumo z novom linijom špinčili doma na dvoru v kupaćim gaćama jer za more bu retko ko ovo leto nabrojil.

Drugo na čemu se more uštedeti je struja. Istina, volim ja da je navečer lepo svetlo pri hiži, kak v Betlehemu, pak si popalim sve moguće žarule kaj pri hiži najdem. Jel treba baš sedam komada na cca 60 kvadrata? Ne treba. Televizor se itak bolje vidi v mraku.  I tu bum se dobro sportošila ak se bum stalno z fotelje dizala, strukić bu za koji tjedan ko u ose, ak ne verujete. probajte! Potrošače ko mikrovalna, rol, toster i mikser također nam valja čim manje trošiti. Zmazane gaće bumo prali isključivo pod okriljem mraka, ak bum dežurala po noći zbog vešmašine također bum ubila koju kaloriju koja na sebe veže milimetar. Malo lokot na frižider i tu bu se prišparjalo i u kunama i u centimetrima, a onda bumo i z ormara zvlekli komade obleke koju smo odavno prerasli pa nam nebu treba ni nova oblekica. I gle, opet bu dobroga za naša tjelesa.

A u zdravom se tijelu skriva zdrav duh, pa zato ne očajavajte, nisu ipak još došla tak loša vremena. Ak se mene pita nije merilo čoveka kolko ima debelog novčanika i kak debelog auta vozi. Novci navek bu, a nas nebu i onda kaj nam vredi nositi ih sobom na drugi svet? Kak veli ona, život je prevelika zaje….cija da bi ga shvaćali tak ozbiljno, a i na kraju svega niko iz njega ne zide živ.