Modni mačići u vodu se bacaju

Kad ne ide onda ne ide. Ovaj smo tjedan svi u defektu. Bjaceku se upalile oči, prda je od tuge kaj sama putuje u vrtić „na silu“ zakurila na jednu večer, a mili je bil na nekakvoj sitnoj operacijici zbog koje je isto tak bil privremeno van stroja. I mene je počelo stezati u grlu. Kaj od virusa i bakterija, kaj od općenite atmosfere na našoj adresi. Svakome je muka pa kuka na svoj način.

Promjene raspoloženja nekaj su na kaj se nadam oguglati s vremenom, ali baš mi ne ide. Recimo. Kak nebi čovek doživel lagani popizditis kad ujutro, koju minuticu posle 6, dok je vani još mrkli mrak, a ja ni sama ne znam gdi sam i kak se zovem iz princezinih ustašca prvo kaj izađe je NEEEEEEĆU.

Još ni sama nije pregledala kak treba ali viče da neće obuči to kaj sam joj za taj dan pripremila. Mama se trudi biti modni mačak, ali ak se pita prdu, ne ide joj nikak. Kak sam si baš sad ja zamislila da bi ona oblekla tu majicu s kapuljačom kad ju ona nemre videti. Ko još nosi odurnu roznu, toplu, plišanu majicu s kapuljačom. A i na njoj je koncem izvezena odurno slatka mala ljubičasta sova. Osim kaj ju nemre videti, još je veći problem kaj joj se nutra u rukavu zagubi rukav od bodića pa ga više nikad nemremo najti. Tragedija ravna grčkoj.

To njeno neeeeću me hiti z takta tolko da sam volje spakirati tu dva dana staru nikad nošenu majicu u kantu za smeće pa nek ju voze put Piškornice. Sama se sebi grozim i obećajem da više ni kune ne budem uložila u njen outfit pa nek hoda po svetu ko da ju je voda donesla, ili ko da ju je mili oblekel. On joj je neko jutro, dok sam ja glumila kvočku i grijala postelju da se bjacek Upaljeno oko ne zbudi, oblekel takvu kombinaciju za popišati se. Nije problem kaj on ko đak nekad nije baš pozorno slušal na satima domaćinstva i naučil da cipele i trenirka ne idu skupa i kaj ne prepozna koja je znošena trenirka za po doma, a koja za vrtić, ni da naranđasta majica i rozne hlače ne idu skupa, nego joj je oblekel štrample veličine 74. Za one koji su zišli iz štosa pa se nemru prisetiti kojoj je dobi primjerena ta veličina bum pojasnila. Tu je brojku eto pred koji mesec i bjacek prerasel, trenutno je s godinu i pol na veličini 86. Prda je u dobi od tri godine i četri meseca. Sad vam je valjda malo jasnije. Ne znam kak ju je uspel upakirati u te mini štramplice, ali došla je z njima doma bez da ih je putem zgubila. Čak joj nisu visele ni na kolenima. Samo joj se malo tur spustil kojih par centimetri, ali, nikaj strašno ak se njega pita. Dobro smo se tome nasmijali. No nije mi jasno samo kak se dala na to nagovoriti, a ja joj tu roznu odurnu majicu već tri dana nikak nemrem podvaliti.

Bjacek još nije modno sazrel. Njemu je svejedno koju majicu imal kad ju i ovak on preuredi po svome. Z vrtića dojde čist, ali se zato doma tak uneredi kaj navečer moram dobro razmisliti koja je to majica koju ima ispod svih tih ostanjki od ručka, međuručka i večere. On još ne protestira i zadovoljan je maminim izborom i ponudom.

Odi bjaco, na, gle kak lepa sova na ovoj toploj, mekanoj majici – mamim ga. Rešeno. Već se šepuri pred prdom, no zavisti niotkuda. Bez obzira kaj ima međ nogama pa mu roza baš ne pristaje, u ovoj situaciji, boja ne predstavlja ni najmanji problem. Kad već mama nema ukusa ima nade da bu ipak neko u familiji pravi modni mačak, bar do jeseni dok ne spuše drugu rođendansku svećicu i ne počne piliti po svome.