Vučim se ja voziti biciklin

Napokon. Napokon se odvažila i zatirala te pedale. Onak kak pravi biciklist. Bez pomoćnih kotačof. S koji mesec manje od sedam let. Valja mi to zapisati. I ja sam negda po toj istoj ulici japi si stvarala probleme. Mort ga je zato godinama nakon znala povremeno kičma preseči. Bili su to onda drugi uvjeti i vremena. Naša je ulica bila šodrana, bar smo tak običavali reči. Inače je praf zapraf to bila graba na grabi koja je do najboljeg izražaja dolazila nakon malo jače kiše. Uvjeti po kojima je prda krenula u svet bicikliranja nisu usporedivi. Dok sam ja skakutala po tim spomenutim grabama, a prdin me deda pokušaval usmeriti da ne opadnem u iduću lokvu, prda je pred koji dan svoje prve metre savladala kak prava dama.

Velik je to pomak u našim životima. Vreme dolaska u vrtić značajno nam se skratilo. Pomoćni kotači bitno su nas usporavali, a sad jurimo kak velki. Bjacek iz sica instaliranog mi za leđima važno pametuje i daje prdi upute. Pa nemoj ovak, pa nemoj onak. Lako je biti hrabar dok mama kormilari. Jedno se jutro ipak dogodil unfal. Negdi na putu, pred biciklin joj je skočil auto. Samo se najenput stvoril. Parkiran vu dvoru. A rit mu je malo virela van na stazu rezerviranu za bicikle. I onda…bum-tres-urnebes…no, stepla se i zagazila dalje. Hrabra moja prda. Zna ona već sad da pobjeđuju oni koji misle da mogu.

Biciklin je nama Koprivničancima naš prozor u svet. Nema kam se s tim prevoznim sredstvom nemre dojti. Celi grad obidemo za par minut. Samo reči i taj čas smo se z zapadnog kraja prehitili na istočni.

Prdu je pred koje leto njena teta Zdenka nafčila pjesmicu koju smo baš ovih dana intenzivno recitirali. Ko joj je autor ne znamo, ali godinama nam već ne ide z uha van. Ak vi znate ko je zmislili ove zgodne retke u nastavku, dojavite mi. Pjesmu donosim u cjelosti, a stihoklepcu se unapred ispričavam kaj mu identitet ne znam. Pa evo za bjaceka i buduće generacije koje budu se vučile gaziti pedale.

BICIKLIN

Vučim se ja voziti bicikl.

Kak čovek svak.

Da ne ostanem bedak.

I dojde sused Ivek…i gledi me gledi.

Governal mi beži.

Sad leve – sad desne.

Jedva ga lovim!

Gledi me Ivek i veli:

Pa ti se još ne znaš voziti!

Počela sem tirati kak nigdar.

I raaaavno v Iveka!

Vrušila sam ga v njegove koprive.

I još smo na njega opali,

Moj biciklin i ja!